Humaare Baare Mein

Yeh koshish shuru hui 6 saal ke Noaah ke saath, jisne akhbaar mein ek aisi chotee si lardki ki tasveer dekhi jis ko bhookamp ke malbe ke neeche se nikaalaa jaa rahaa thaa taaki uski madad ki jaa sake. Shuruaat mein usne apni gullak ke paise us lardki ko dene ki ichchhaa zaahir ki taaki us lardki ko nayi taang mil sake. Phir uske aane-waale janmdin par bulaaye gaye bachchon se us ne uphaar lane ki jagah us lardki ko paise daan karne ki vintee kee.

Noaah ki udaartaa ne uske maataa-pitaa ko prernaa dee, jiskaa nateejaa hai yeh svayam-seval network jis mein amriki, yuropi, aur chini vyavasaayi vyakti hain. Hum un sab bachchon ki sahaayataa karnaa chahte hain jinhone is bhookamp mein apne haath-pair kho diye hain. Hamaaraa praathmik udashya hai un sab bachchon ke naam ikaththaa karnaa jo is stithi se prabhaavit hain aur unko aise logon se jordnaa jo unko chikitsaa, maansik-salaah, nakli ang, aur jaari dekh-rekh dilvaa saken.

Hum in bachchon ko duniya bhar mein kaheen ke bhi logon se jordnaa chahte hain jo inki madad kar saken. Hum aapko bardhaava dete hain ki aap humein aise bachchon ke naam, tasveeren, unki kahaani aur unkaa pataa bhejen.

Hum alag alag NGOs, aspataalon and vyaktiyon ke saath kaam kar rahe hain taaki zyaadaa se zyaadaa bachchon ko chikitsaa aur maansik-dekhrekh mil sake, aur nakli ang aise aspataal mein lagaaye jaayen jahaan unki achchi dekhrekh ho sake chahe vo aspataal duniya mein kahin bhi ho.

~ 0 ~